الكذب اولي خطوات الخيانه

شورم بورم حالي تعبان شورم بورم حالي غلبان

دنيا غروره وكذابه لكن جميله وجذابه

مجاريح ونعشقها صبابه ادينا وادي حال الانسان
------

اولا احب ان اقدم
اعتذار لاني اغلب مواضيعي .. تناقش مفاهيم مش حلوه .. زي الخوف .. الكدب ..
الخيانه .. الشك .. الحاجات دي يعني .. اصلي حصل موقف كدا لفت نظري .. ل ان تقريبا
90 % من مواضيعي بتناقش حاجات مش حلوه
كنت بتكلم مع احد
اعضاء الجروب الموهوبين فعلا .. موهوبين بجد والله صحيح مش هزار
وقالي انه مش لاقي
موضوع يكتب فيه .. ف اقترحت عليه موضوع معين .. قالي لالالالا .. دي حاجه وحشه
,وانا مش بكتب الحاجات الوحشه .. انا بكتب الحاجات الحلوه بس
فإستغربت جدا لما
لاقيت ان معظم ايميلاتي بتتكلم عن حاجات وحشه .. الاكثر غرابه بقي ان العضو اللي
بيحب يكتب عن الحاجات الحلوه .. بقاله فتره كبيره جدا مكتبش حاجه ومش لاقي حاجه
يكتبها وكأن مفيش حاجه حلوه
في حياتنا يتكلم عليها .. وعجبي
اكتشفت اني جوايا فكره
محفوره ف قلبي من زمااان جدا .. فكره مولوده جوايا ..
ان اكثر الناس غلظه و قسوه هم احن الناس .. (( دا فحاله انه عايز يبقي حنين ))

ان اكثر الناس كذبا هم اصدق الناس .. (( دا في حاله انه يتوب الي الله ))
وضحت الفكره .. لا ,,
لان انا لسه مش فاهمها برده . طــــيـــب ، نقول كمان.، يمكن افهم حاجه
انا بحاول اكون مباشر
واتكلم بدون فلسفه .. لكن مش قادر ابطل دا
انا عايز اقول ف النهايه
ان الانسان اللي عنده
صفه وحشه .. وقرر ان يتوب عنها ويبطلها .. ويملك من الإراده ما يجعله يتوب بالفعل
.. هيبعد عنها تماما .. ولن يقربها مره اخري , تحت اي ظرف او اي ضغط.
وهيكون ايضا .. تحول
علي النقيض تماما من هذه الصفه الوحشه ..
يعني الكاذب هيبقي
صادق جدا .. ومش كدا بس.. هيكون عنده القدره علي استشعار الكذب .. هيعرفه حتي من
قبل ما يحصل ، والخاين هيكون مخلص تماما .. لانه عرف ان الخيانه شئ واحساس فظيع
مؤلم يعذب به نفسه اولا قبل ما بيعذب غيره .؟
الجبان .. ممكن جدا
يتحول الي انسان جسور .. شجاع مقدام .. ومش بعيد يكون كل الابطال هم ف الاصل جبناء
... مثلا .. عمر بن الخطاب .. كان اشد الناس عداوه للإسلام .. الامثله كتير اوي اوي
--
أما موضوع درس اليوم
.. عن الكذب
الكذب اولي خطوات الخيانه
هتكدب . يبقي اكيد هتخون
منطق اسمعه هذه الايام بكثره
مما داعاني لان ابحث
العلاقه بين الكذب والخيانه
ف الاثنين من الصفات
السيئه جدا جدا فينا نحن البشر ..
ف واقع الامر ان اساس
اى رذيله او ذنب هو الكذب
اختار كدا اى نوع من
انواع الرذائل اللي ف الدنيا .. هتلاقي بدايتها الكذب
حتي ان ابليس نفسه ..
ما وسوسته إلا عباره عن اكذوبه يطلقها ف نصدقها وبعد تصديقها نقع ف الذنب.
نظرت ف عينيها .. مسكت
يدها .. تحسست وجهها الاحمر الخجول برفق . همست ف اذنها همسه الحب .. قلت لها
أحبك .. .. كذبت .. صدقتني .. وقعنا ف الرذيله
هناااااااا تمت الخيانه . اول انواع الخيانه . خنت ميثاق وشرف الكلمه .كلمه احبك
وهي خانت بالفعل من احبها بصدق . وعجبي،
احذر يا صديقي واحذري يا صديقتي ..
فالكذب خيانه ،
والخيانه ألم فظيع .. يقتل صاحبه اولا.. وكلاهما يقودان الي النار حيث عذاب الله .

الـــخــوف شــجــاعــه

وخايف اوعدك ما اوفيش اقولك فيه تلاقي مفيش
واخاف لو قلتي بردانه اغطيكي بإحساسي متدفيش
دا عمر ما قلت ان انا خايف غير بعد ما قلبي اتمناكي
محتاج اطمن مش عارف الخوف جوايا وجواكي
********
عندما يشعر الانسان بالرغبه ... فإن الرغبه تتحول الي حلم
عندما يشعر الانسان بالرهبه .. فإن الرهبه تـقـتــل كل رغبه
وهناك لحظه يعيشها كل انسان منا ..
وهي الشعور بالرغبه والرهبه ف نفس ذات الوقت، وهنا يكون التردد ... هل احلم .. ام اخاف
اااااااه من التردد ... هل انت متردد
؟ نعم .انا متردد .. إذن انت تحلم وتشعر بالخوف
الان فقط بإمكانك التعرف علي شخصيتك .. .. بعد ان تحسم هذا الصراع ! الحــلم ا، الخــوف
لو انتصر الحــلم .. فـانت انسان شـــجــاع !!؟
لو انتصر الخــوف .. فـانت ايضا انسان شــجاع !!!!؟
عايز تعرف ازاي هتكون شجاع ف الحالتين ؟
عندما ينتصر الــحــلم .. هذا يعني
انك قاومت الخوف ظروفك ومجتمعك وحياتك ، هذا يعني انك انتصرت علي واقعك الذي تعيشه
.. فأنت تحلم وتريد ان تحقق حلمك وتدمجه مع واقعك ، يعني ايضا انك ستواجه العديد من
المشاكل النفسيه والمعنويه والماديه .. بعد كل هذا لابد وان تكون شــجـــاع ..
عندما ينتصر الخــوف .. هذا يعنى انك قاومت الاحلام ...
ياااااه وهل يوجد من يقاوم الاحلام .، من هذا الذي يملك القدره علي مواجه الاحلام
.؟ . هل هناك قوه خفيه اقوى من الاحلام ؟، عندما تحلم انك تخطو اول خطوه لصنع حياتك
.،، ولذلك عندما تخاف فإنك شــجـــاع .. وعجبي .. شجاع وتملك قوه كبيره ولكنها قوه سلبيه ..
قوه سلبيه ... ... لالالالالا كفايه كدا .. مش قادر .. قوه سلبيه ايه وبتاع ايه .. انا باين عليا ,, بهرتل ..؟؟
سلالالاموووو عليييييكوووو
لحظه من فضلك : متنساش لو حلمت وحاولت تسحب حلمك للواقع بتاعك وتخلي الاتنين واحد انت اكيد شجاع، و لو قاومت حلمك وخفت منه .. انت برده اكيد شجاع .ّبس يا تري انت مين فيهم

ابحث عن فكره

كانت عندي رغبه ملحه في التحدث إليكم ولكنى لم اجد ما اقوله او اتحدث عنه
فمشاركتي قليله ولكنها دائما ما تحمل فكره
فأخذت ابحث عن فكره

سألت عقلي هل لديك فكره..؟
فأجاب لا....!
سألت قلبي هل لديك فكره..؟
فأجاب لا ....!
سألت نفسي هل لديك فكره..؟
فأجابت نعم .. لدي فكره ..!
قلت بلهفه .. ماهي ..؟ قولي بسرعه؟
قالت نفسي .... في الحقيقه انها ليست فكره .. انه سؤال ..!!!!
هـــل تـــســطــيع ان تــــراني ؟ " سؤال غريب وصعب قلت.. بعد عده ثواني من التفكير طبعا استطيع ان اراكي بكل وضوح

قالت نفسى ..... كيف تراني ؟
قلت .. اني امتلك مرآه كبيره في غرفتي انظر إليها فأستطيع ان اراكي ....

ضحكت نفسي ضحكه إستنكار وتهكم وسخريه من إجابتى عليها
وقالت.. يالك من ساذج .. عندما تنظر في المرآه فأنت لاترى إلا وجهك وشكلك وربما جسمك .، اما نفسك لاتستطيع المرآه ان تعكس صورتها ابداّ
" رد منطقي للغايه وندمت علي الثواني الي استغرقتها في التفكير فأنا عادة لا احب التفكير!! "

فقلت لها بسرعه .. وكيف استطيع اذن ان أراكي يا نفسي .. ؟؟؟
قالت نفسي .. يجب ان يكون لكل انسان شخص اخر يكون بمثابه المرآه الي يري فيها نفسه !! هل تمتلك هذا الإنسان ؟

فضحكت انا بدوري ضحكه استنكار وتهكم وسخريه لأخفي ورائها خيبه وقصور تفكيري ..!
وقلت لها .. والإنسان دا ان شاء الله اجيبه من بتاع الزجاج واعمله برواز واعلقه عندي علي الحيطه في غرفتي برده ؟!!

ومنذ تلك اللحظه ..،
أوقفت البحث عن فكره ..،
أخدت في البحث عن انسان يكون بمثابه مرأه لنفسي لكي استطيع ان اراها .... ! وعجبي

الفنان الانسان

تعرفت عليها من خلال كلمات .... كلمات تحمل معانى ليس باستطاعه اي احد يقوم بسردها، فقط فنان .. فقط فنان هو من يستطيع ان ينطق مثل هذا الكلام.

انها بالفعل تملك احساس فنان عبقري .. تملك ايضا عبقريه المرأه الذكيه ف وصف مشاعرها واحاسيسها فانها تعلن عن ما تشعر به بطريقه سحريه " فمعها للحروف معاني اخري جديده وجميله واحيانا مثيره"

عندما تسمع او تقراء كلماتها تشعر انها تنطق كلماتها بكل ما تملك من جسد وروح ومشاعر ف نفس ذات الوقت.
فعندما تحب تشعر معها بالرومانسيه
وعندما تحلم تشعر انك انت الحلم
وعندما تبكي تشعر معها بالاسي من اجلها
وعندما تقراء كلمتاها تستطيع ان تري عينيها بكل وضوح بين سطور كلماتها فهي تعبر عن حالتها الفنيه بوضوح شديد وبإحساس ايضا شديد ....... وبفن .

وطبعا لم اكتفي لو اقتنع بأنني اظل احد القراء .. او احد المعجبين بهذه الكلمات وبهذا الفنان. فقررت ان ادخل الي حياة هذا الانسان الفنان او الفنان الانسان لأكتشفها عن قرب وبالفعل حاولت مرات ومرات للتقرب منها والتعرف عليها بحماس شديد وشغف وثقه بالإنتصار كعادتي ف مثل هذه المواقف. وتم ما كنت ارجوه واحلم به .. وبالفعل قابلتها لاول مره ..؟ّ والغريب انها هي التي تعرفت علي ...!!!؟

ومنذ هذه اللحظه وبدأت علاقتي بالفنان ف التلاشي .. وبدأ الانسان ف الظهور . . .
انها فتاه تملك من الجمال ما احبه .. وتملك من الفكر ما يجعلها انـــثــــى !!!!!! ؟

امــــضــــاء
انسان فنان
او
فنان انسان

انــتــفــا ضـــه الــــروح

النهارده كلامي مش هيكون للأسف عن بنت جميله ماسكه في ايدها بوكيه ورد ، او صوت حالم خارق للعاده يدعو للأحلام .. ، ولا هو مناقشه لقضيه اجتماعيه او مشكله سياسيه ، او وجه نظر فلسفيه او حتي تجربه حياتيه ,,

لا يستطيع الانسان الحياه بدون انتفاضه .. مش مهم انتفاضه الروح .. اي انتفاضه من اي نوع المهم ان تكون هناك انتفاضه ما لابد وان تحدث له ......

ما قيمه الشعب الفلسطيني بدون انتفاضه الاقصي ..؟
ولا اي قيمه.. انا كمان واثق ان في ناس كتير اوي مكنتش تعرف عن فلسطين اي حاجه الا بعد الانتفاضه .. الامثله في الحياه كتير اوي .. بس دي اقرب انتفاضه لقلوبنا وعقولنا كلنا ...

الانتفاضه معناها ان نعلن عن نفسنا ,, ونطالب بالتغيير .. ونتغير بالفعل ..

احنا ليه لحد دلوقتي مش عايزين نقتنع ان شكل ومضمون الرومانسيه اختلف ...، الدنيا كلها اتغيرت حوالينا ..واحنا لسه بنعتبر ان قمه الرومانسيه .. قيس وليلي .. وعنتر وعبله .. وروميو وجوليت .. والبكاء علي الاطلال .. (طبعا الناس دي ليها كل احترام وتقدير .. بس خلاص .. جه الوقت اني اكون انا وانتي وهو وهي ,, قمه الرومانسيه)

قد ايه كتير مننا بيضيع وقت قدام الورقه والقلم عشان يكتب كلمه حلوه .. او بيت شعر يوصف في حبيبته ..، او يعبر عن جرح او الم او حتي فرحه ..؟ ومبيلاقيش كلام يقوله ,, وبرده بيصمم يكتب .. وتطلع ف الاخر حاجه بعيده كل البعد عن الرومانسيه والحقيقه .. كلام جاف مش محسوس . ومالوش هدف ولا معني ..!؟
الرومانسيه دلوقتي مش كدا ابدا .. ابدا .. بس احنا المصريين والعرب دايما هنفضل متأخرين .بناخد الخطوه بعد معادها يجي بالف سنه ...

عايز تعرف ايه شكل الرومانسيه الجديد .......ـ

ارجع اسمع برنامج اسامه منير انا والنجوم وهواك ... بس من غير ما تركز في الكلام .. سيبك من الكلام .. شبعنا وزهقنا كلام .. خليك ف الاحداث .. .. الاحداث هي اللي بتعلم .. وبتعبر ... مش الكلام ... ((ممكن جدا حد يستخدم نفس الكلام
ونفس الالفاظ .. ويعبر عن حدثين مختلفين تماما في الموضوع والقيمه والنتيجه))


الرومانسيه الجديده هي ..
افتح زرار قميصي للنسمه والاماني
و انور فوانيسي واملا العالم اغاني
اغني للمحبه وللنجم الملالي
دي الغنوه في قلبي شبه وطايره للعلالي
--
حلي ضفايرك للهوا
واتمايلي في بحور الهوا
وغني للحب اللي جمعنا سوا
كسير جريح وانتي الدوا
--
مش عايز احبك مش عايز
مش داخل سجنك مش جايز
--

انتوا عارفين ايه اقوي اغنيه رومانسيه سمعتها عن الرومانسيه الجديده ؟؟ اغنيه الطول واللون والحريه (((اسمعوها)))

الرومانسيه الان يا ساده مبقتش كلمه حلوه . ولا لمسه ايد .. ولا بوكيه ورد .. ولا قصيده شعر .. الرومانسيه موقف ...
تريد ان تكون الشخص الرومانسي .. اذن
انزل الحياه زاحم .. لاحم عارك .. ناضل .. اضرب .. جرب .. اتعلم .. شارك .. اغلط .. اتمتع .. هي دي الرومانسيه بشكلها الجديد

حب .. واكره .. اتعلم ازاي تعمل تجربه حب . مش شرط مع نصك الحلو ..سواء كنت ولد او بنت .. لا ابدا .. ممكن تعشق فكره . ممكن تعشق هدف ,, ممكن تعشق مبدأ أ، اسلوب .. اي شئ .. المهم ان تحب للحب وفي الحب ومع الحب ومن الحب ..


Shall we dance شفتوا فيلم ..

دا اقوي فيلم رومانسي شفته ... من 10 سنين

الناس هنا صنفته علي انه فيلم اجتماعي .. بس الحقيقه لاء .. دا فيلم رومانسي جدا جدا جدا .. الفيلم كله عباره عن موقف بني ادم من الحياه و من زوجته ومن اولاده ومن حبيبته .. وازاي الناس دي بتشاركوا موقفه دا .
الفيلم فعلا رومانسي بس (( بس الرومانسيه اللي احنا لسه منعرفهاش )) ومجتاجين لانتفاضه.. انتفاضه الروح ..عشان نتعلها

نتغير بقي ولو مره واحده في الوقت الصح .....
كل واحد يفتح مخه شويه ... يديله هوا ... الي مطول شعره يقصره .. واللي مقصر شعره يطوله .. اتصرفوا اعملوا اي حاجه .. تخلي المخ يدي امر للروح ان تقوم بإنتفاضه ,, وإلآ هنكون متخلفين . واقل من الاخر ,, حتي في الرومانسيه .. اللي هي زي حاجات كتير اوي ..احنا اكتشفناها .. وبتضيع مننا .. ومن هنا نقدر نبتدي سوا انتفاضه الرومانسيه أ، انتفاضه الروح .... .... .... للحديث بقيه